Lajmi i Ditës

Clinton dhe Trump, sot, në përballjen e fundit!

Nga  | 

Si do të shkojë sot dueli i fundit në Tv mes kandidatëve për Presidencën e SHBA-ve përkatësisht Demokrat dhe Republikan: Hillary Clinton dhe Donald Trump?

Përgjigjja do të merret sonte, kur plot 80 milionë shikues pritet të ndjekin debatin më të rëndësishëm politik mes tyre.

Kandidatët kanë shansin e fundit të jenë përballë publikut për t’u përballur me pyetjet të cilat do të ndikojnë në zgjedhje më 8 nëntor.

Sipas sondazheve, kandidatja demokrate vazhdon të ketë përparësi në sondazhe.

Skandalet e fundit seksuale që lidhen më Donald Trump e kanë ulur ndjeshëm besueshmërinë e tij në publik.

Në këto sondazhe, manjati i pasurive të paluajtshme rezulton me 7 pikë më poshtë në përqindje në krahasim me demokraten Clinton.

Trump nuk ka pranuar asnjë prej akuzave për ngacmime seksuale.

Përballja e fundit mes Clinton dhe Trump do të mbahet në Universitetin e Nevadës. Clinton është përkrahur edhe prej Presidentit aktual Barack Obama dhe bashkëshortes së tij Michelle.

Në këtë debat, do të trajtohen tema si: Emigracioni, borxhi publik, gjykata supreme, politika e jashtme si edhe shëndeti i dy kandidatëve, i cili është bërë objekt debatesh të vazhdueshme.

Lini një koment

Adresa juaj email s’do të bëhet publike. Fushat e domosdoshme janë shënuar me një *

Shares